Хүүхдийн машины суудлыг насаар нь хэрхэн сонгох вэ?

Машины суудал бол хүүхдийн хамгийн чухал хамгаалалтын хэрэгсэл. Зөв суудал нь зөвхөн насаар биш, хүүхдийн жин, өндөр болон машиндаа хэрхэн суурилагдахаас хамаарна.

Суудлын үндсэн төрлүүд

• Нярайн суудал (0+ бүлэг): ойролцоогоор 13 кг хүртэл. Зөвхөн арагшаа харуулж суулгана. Ихэнх нь бариултай тул тэрэг дээр тавьж болдог.
• Хувиргадаг суудал (0+/1 бүлэг): ойролцоогоор 18 кг хүртэл. Эхэндээ арагшаа, хүүхэд томрохоор урагшаа харуулж болдог.
• Нэг суудал бүх насанд (0–36 кг): 360° эргэдэг загварууд олон. Нэг удаа аваад урт хугацаанд хэрэглэнэ.
• Өсвөр насны суудал (2/3 бүлэг): ойролцоогоор 15–36 кг. Машины өөрийн бүсээр хүүхдийг бэхэлнэ.

Арагшаа харуулах нь яагаад чухал вэ?

Бага насны хүүхдийн толгой биеэсээ харьцангуй том, хүзүү нь сул байдаг. Арагшаа харсан суудал мөргөлдөөний үед толгой, хүзүү, нурууг нэгэн зэрэг тулж хамгаалдаг. Тиймээс суудлынхаа зөвшөөрсөн хязгаарт хүртэл арагшаа харуулж байлгахыг зөвлөдөг.

ISOFIX гэж юу вэ?

ISOFIX бол суудлыг машины их бие дэх төмөр бэхэлгээнд шууд түгжих систем. Бүсээр бэхлэхээс илүү хялбар бөгөөд буруу суулгах эрсдэл бага. Машинаа шалгахдаа арын суудлын завсарт байх хоёр төмөр гогцоог хайгаарай.

Хэрэглэсэн суудал авахдаа шалгах зүйлс

• Осолд орж байгаагүй эсэхийг заавал асуух
• Бүс, түгжээ, тохируулгын товчлуурууд бүрэн ажиллаж байгаа эсэх
• Хуванцар их бие дээр хагарал, цайрсан ул мөр байгаа эсэх
• Үйлдвэрлэсэн огноо, жин/өндрийн хязгаарыг харуулсан шошго байгаа эсэх

Манай машины суудлууд Солонгост хэрэглэгдсэн, шалгагдсан бараа. Аль нь танд тохирохыг Messenger-ээр асуугаарай.